Tetë të mitur janë arrestuar në Malishevë, pasi janë përfshirë në një përleshje ndërmjet tyre, ku për pasojë u shkrep edhe arma, raporton Gazeta Sinjali.

Rasti ka ndodh dje në rrugën “Ibrahim Mazreku” në Malishevë, ku është gjetur dhe sekuestruar një gëzhojë dhe një predhë e pistoletës me gaz.

“Janë arrestuar tetë meshkuj kosovarë të mitur, pasi që ishin përfshirë në një rrahje në mes tyre. Dyshohet se është përdorur edhe armë zjarri, pasi që në vendin e ngjarjes është gjetur dhe sekuestruar një gëzhojë dhe një predhë e pistoletës me gaz”.

“Të lënduarve i është ofruar tretman mjekësor. Me vendim të prokurorit të dyshuarit janë dërguar në mbajtje”, thuhet në njoftim.