Në hall me djalin e tij është edhe një person në Prizren, i cili edhe më parë ka kërkuar ndihmën e Policisë.

Burimet e Gazetës Sinjali brenda Prokurorisë kanë bërë me dije se 57-vjeçari është i pajisur me urdhër të mbrojtjes nga Gjykata, gjë e cila e ndalon të birin e tij që t’i afrohet, por kjo nuk e ka ndaluar të riun që të vazhdojë ta shqetësojë babanë e tij.

Bazuar në dëshminë  e viktimës, 27-vjeçari shkon në vendin ku ai punon dhe është i frikësuar nga veprimet e tij.

Si rezultat i denoncimit, i dyshuari është shoqëruar në stacion policor, ku është intervistuar lidhur me rastin.

Me urdhër të prokurorit, ai do të hetohet në liri për veprën penale ‘Dhunë në familje’.