Vajza e dëshmorit me interpretim emocional në Ditën e Çlirimit për ish-udhëheqësit e UÇK-së -

Për “Ditën e Çlirimit” – 12 Qershorin, vajza e dëshmorit Hysen Zogjani, Arbnore Zogjani, e cila i ka kënduar UÇK-së edhe në të kaluarën, ka lansuar si “Cover” një përpunim dhe interpretim me kitare akustike të këngës “Në Ditën e Flamurit” të Shyhrete Behlulit, e cila u dedikohej të burgosurve shqiptarë që u shkruanin letra urimi nënave të tyre për festën e 28 Nëntorit.

Në përshtatshmëri me realitetin aktual, ku ish-themeluesit dhe ish-udhëheqësit e UÇK-së po mbahen në Hagë, Arbnore Zogjani me një interpretim tejet emocional rikthen në kujtesë mungesën e sivjetme të tyre.

Zogjani thotë se Dita e Çlirimit sivjet është e mangët pa liderët e luftës dhe paqes në Kosovë.

“Veç më kushtoi zemra të këndoj për ta. Dita e Çlirimit sivjet është e mangët pa liderët e luftës dhe paqes në Kosovë. E falënderoj këngëtaren Shyhrete Behluli, e cila më lejoi ta përshtas dhe interpretoj këngën e saj “Në Ditën e Flamurit”. Urime 12 Qershori të gjitha nënave dhe baballarëve të çlirimtarëve. Urime Ditën e Çlirimit, Kosovë!”, ka shkruar Arbnore Zogjani, vajza e dëshmorit Hysen Zogjani.

Ky është teksti i plotë i këngës “Në Ditën e Flamurit”, të cilën Zogjani e ka përshtatur për 12 Qershorin, “Ditën e Çlirimit”:

“Në Ditën e Çlirimit, në një shpi të vjetër, një nanë kosovare, e kish marrë një letër. Me shkronja të kuqe është mbushë letra e bardhë, nana ime e dashur t’përshëndes me mall! Bëhu nanë e fortë, mos qit lot nga sytë, ma i fortë se burgu është ba djali yt. Edhe pse këtë letër po e shkruj n’errësisë, gëzohem që lexohet n’dritë t’Kosovës t’lirë! A kënduan bilbilat nanë sivjet n’Kosovë? A u ngrit flamuri më 12 qershor? A u vesh rinia oj nanë kuq e zi? A i kish hije shqipes me valu në liri? A krisën me pushkë nanë, krushqit e lirisë? A pat dasëm t’madhe n’zemër të shqiptarisë? A u vunë kunora dëshmorëve në varre? A jehoi n’Kosovë, kanga jonë shqiptare? Deshti Zoti nanë e gjeta një udhë, që kjo copë e letrës ty me t’ardhë në durë. Ngjyra po m’tepron, po s’kam më shumë letër. Veç m’kushtoi nanë zemra, me ta uru festën!”, është teksti i këngës së Shyhrete Behlulit, i adaptuar me lejimin e saj nga këngëtarja e re Arbnore Zogjani.

Ish-udhëheqësit e UÇK-së, Hashim Thaçi, Kadri Veseli, Rexhep Selimi dhe Jakup Krasniqi, së bashku me Salih Mustafën, Pjetër Shalën dhe udhëheqësit e veteranëve të UÇK-së, Hysni Gucatin dhe Nasim Haradinajn, po vazhdojnë të mbahen në Qendrën e Paraburgimit në Hagë pa u lejuar të vizitohen nga familjarët e tyre.

https://m.facebook.com/story.php?story_fbid=10220774575617648&id=1335456841

Vajza e dëshmorit me interpretim emocional në Ditën e Çlirimit për ish-udhëheqësit e UÇK-së

Asnjë koment

RRJETET SOCIALE

Të rekomanduara

E dhimbshme: Kjo është gruaja që humbi jetën pas aksidentit të rëndë në Doberdolan të Suharekës

Vdes një punëtor pasi goditet nga një mjet i fortë metali në vendin e punës

Babai i djalit të hasretit, që dyshohet se u vra nga “Kobra”: Arma nuk përdoret në vëlla

Probleme me ngrohjen në dy shkolla të Prizrenit

Hajnat vjedhin ari dhe një pistoletë në një shtëpi në Prizren

Newsletter

Abonohuni tani!

Për më të rejat nga Gazeta e Prizrenit.

I consent to my submitted data being collected via this form*

Ju falemnderit!

Gabim!

Lajmet e fundit