Liderët e tri subjekteve politike, Kadri Veseli  nga PDK, Ramush Haradinaj nga AAK dhe Albin Kurti nga Vetëvendosje do të qëndrojnë sot në Prizren, në kuadër të fushatës për zgjedhjet qendrore, shkruan “Gazeta e Prizrenit”.

Kandidati për kryeministër nga radhët e PDK-së, Kadri Veseli, në ora 19:30, do të mbajë takim me  mësimdhënës, sportistë dhe Shoqatat Kulturo-Artistike, në Restorant ‘’Rexos’’ në Prizren. Pas kësaj, në ora 20:00, ai takon strukturat e nëndegëve të Përdrinisë, në  SHFMU ”2 Dëshmorët” në Piranë.

Albin Kurti, në ora 18:00, do të jetë në tubimin qendror që Lëvizja Vetëvendosje organizon në qendrën sportive “ Sezai Surroi” në Prizren.

Ndwrkaq, edhe Haradinaj do të jetë në mbrëmje në Prizren, përkatësisht në tubimin që në ora 19:00, mban Koalicioni AAK-PSD me qytetarë, në restorant “Nafron Diamond” në Prizren. /GazetaePrizrenit.net/