Vetëvendosje në Prizren: Shaqir Totaj dështoi për Grantin e Performancës dhe afër 16 milionë euro i shkuan në suficit
Komuna e Prizrenit nuk ka arritur ta përfitoj Grantin e Performancës, të ndarë nga Ministria e Administrimit të Pushtetit Lokal, që ndahet për të performancën të mirë komunale, derisa të tri komunat tjera të rajonit tonë Rahoveci, Suhareka e Dragashi përfituan fonde, raporton Gazeta e Prizrenit.
Komuna e Rahovecit ka marrë vendin e parë në nivel të Kosovës, duke fituar vlerën e përgjithshme të Grantit prej 1,644,744.79 €.
Ndaj kësaj ka reaguar edhe Vetëvendosje në Prizren:
Komunikata:
Komuna e Prizrenit – Dështon të përfitojë nga Granti i Performancës – 2022
Komuna e Prizrenit, për vitin 2022 nuk arriti të jetë përfituese e grantit të performancës që jepet nga Qeveria, Bashkimi Evropian dhe Zvicra, si pasojë e mospunës dhe rezultateve të dobëta të kryetarit të Komunës së Prizrenit, Shaqir Totaj dhe drejtorëve të tij.Komuna e Prizrenit duke mos qenë fituese e grantit të performancës e ka humbur mundësinë që të investojë në projekte kapitale të cilat do të ndikonin në përmirësimin e jetës së qytetarëve. Edhe njëherë theksojmë se – Shaqir Totaj si udhëheqës i pushtetit lokal, për dy vite ( 2022 – 2023 ) të qeverisjes së tij, afër 16 milionë euro të buxhetit të komunës i shkuan në suficit në mungesë të projekteve për qytetin e Prizrenit.Lëvizja VETËVENDOSJE! Qendra në Prizren
10.02.2024
Lexo edhe:
https://gazetaeprizrenit.net/komuna-e-prizrenit-deshtoi-ne-grantin-e-performances-aak-deklaron-se-asnjehere-ska-pasur-me-te-dobet/
