Rreth 30 armë zjarri të kalibrave të ndryshme, janë vjedhur të enjten pas mesnatës, në një poligon të shenjtërisë në Drenas, njofton Policia e Kosovës.

Rastin e ka raportuar një qytetar, i cili ka thënë, disa persona të maskuar kanë depërtuar me forcë në poligon. Sipas tij, të dyshuarit kanë hyrë me forcë në objektin e poligonit, derisa vlera e armëve të kalibrave të vogël, konsiderohet e lartë.

“Ankuesi mashkull kosovar ka raportuar se persona të dyshuar të maskuar kanë depërtuar me forcë brenda poligonit të shenjëtarisë dhe nga aty kanë arritur të marrin rreth 30 armë zjarri të vogla të kalibrave të ndryshëm në vlerë të konsiderueshme. Rasti po hetohet nga ekipet relevante”, thuhet në njoftimin e Policisë.

Lexo edhe:

Këta janë kandidatët potencialë për Drejtor të Spitalit në Prizren