Xherdan Shaqiri edhe zyrtarisht transferohet në Amerikë, te skuadra Chicago Fire.

Chicago Fire FC e ka zyrtarizuar transferimin e Xherdan Shaqirit.

Reprezentuesi i Zvicrës, Shaqiri, u bë transferimi më i shtrenjtë i skuadrës që bën gara në ligën MLS.

Skuadra amerikane i ka paguar rreth 7 milionë euro për shërbimet e futbollistit me karrierë të madhe.

Shaqiri i është bashkuar skuadrës amerikane, duke u larguar nga Lyon pas vetëm gjashtë muajve.

“Ne jemi jashtëzakonisht të kënaqur që zyrtarisht mirëpresim Xherdan Shaqirin në Fire”.

“Xherdan është një lojtar që ndryshon lojën dhe dikush që do t’u sjellë gëzim tifozëve tanë dhe qytetit të Çikagos. Si një nga sportistët më të arrirë zviceranë të gjeneratës së tij, Xherdani na bashkohet në një moment shumë të rëndësishëm për Klubin dhe beson plotësisht në atë që ne synojmë të arrijmë”.

“Mezi presim ta mirëpresim atë dhe familjen e tij në Çikago shumë shpejt”, ka thënë drejtori sportiv i Chicago Fire FC, Georg Heitz.