Në spitalin e përgjithshëm “Prim. Dr. Daut Mustafa” në Prizren, aktualisht janë të hospitalizuar 28 pacientë, prej tyre 10 janë të konfirmuar Pozitiv me COVID-19, raporton Gazeta e Prizrenit.
Ditët e fundit është raportuar për ngritje të lehtë të rasteve me COVID-19 edhe në komunën e Prizrenit. Një ditë më parë, ndërkaq është raportuar për vdekjen e Bashkim Qollopekut, punonjës në Qendrën e Mjekësisë Familjare në Prizren, që ka qenë i infektuar me COVID-19.
Lexo edhe:
Njëri prej të vdekurve sot nga COVID 19 është punonjës i QKMF-së në Prizren
Nga Zyra e komunikimit në kuadër të spitalit, për gazetën konfirmuan se 18 nga pacientë të shtrirë në spital janë të pakonfirmuar ( apo në pritje të rezultateve), 1 në respirator, ndërsa 4 në CPAP mask.
“13 nga pacientët janë me oksigjeno-terapi, ndërsa furnizimi me ilaçe është i kënaqshëm”, thuhet në përgjigjen nga spitali për “Gazetën e Prizrenit”.
Në anën tjetër, ndonëse flitet për numër më të madh, zyrtarët arsimorë në Prizren, konfirmuan për shatë mësimdhënës të infektuar me COVID-19 në këtë komunë. /GazetaePrizrenit.net/
Lexo edhe:
