20 raste të reja me COVID-19 në Kosovë
20 raste të reja me koronavirus janë regjistruar të shtunën në Kosovë, ka bërë të ditur Ministria e Shëndetësisë.
Në 24 orët e fundit janë testuar 2066 mostra. Me 20 rastet pozitive, përqindja e rezultateve pozitive në raport me numrin e testeve është 0.9 për qind.
Në këtë periudhë kohore s’është raportuar asnjë rast i vdekjes.
Aktualisht janë 1334 raste aktive me COVID-19, në nivel vendi.
Nga fillimi i pandemisë e deri tash janë regjistruar 107 mijë e 486 raste pozitive. Nga ta 2244 persona kanë humbur betejën me virusin.
