Superkupa e Europës 4.5 milionë euro shpërblim. Do e arbitrojë një grua
Është një trofe që vlen 4.5 milionë euro dhe përball fitueset e dy kompeticioneve të UEFA-s, e për herë të parë në këtë nivel, do të arbitrojë një grua. Ka nisur të zgjojë kërshëri prej javësh finalja e Superkupës së Europës mes Liverpool-it dhe Chelsea por numërimi mbrapsht është pranë fundit për sfidën që starton mbrëmjen e së mërkurës në Stamboll.
Liverpool do të masë forcat me Chelsea në një derbi anglez përtej kufijve, fryt i zsezonit të kaluar ekzaltues për ekipet e premier Ligës. ‘Reds’ janë në kërkim të suksesit të katërt në këtë turne ndërsa blutë e trajnerit Lampard dyuan të risjellin trofeun në Londër pas një mungese 21 vjeçare.
Liverpool dhe Chelsea debutuan në mënyrë krejt të ndryshme në kampionat, i pari me sukses të thellë ndërsa i dyti me disfatë katastrofike ndaj Manchester United.
Fituesi në shtëpinë e Beshiktashit do të fitojë 4.5 milionë ndërsa edhe humbësi ka 3.5 milionë Euro të garantuar.
Bilbili i kësaj sfide do të jetë Stefani Frapart, francezja që më parë ka shkëlqyer mes meshkujve në gjykimin në futboll, dhe që do të provojë të jetë e denjë edhe për finalen e Superkupës këtë të mërkurë./TCH
