AAK-ja ndryshon tre emrat e kandidatëve për deputetë që kanë probleme me ligjin

Aleanca për Ardhmërinë e Kosovës i ka zëvendësuar emrat e tre kandidatëve për deputetë të cilëve nuk i’u është lejuar kandidimi për shkak të problemeve me ligjin. Këtë e ka konfirmuar për KOHËN zyrtari për media i AAK-së, Kushtrim Xhemajli.

“Po janë ndryshuar tre emra, por ende nuk i kam cilët janë ata”, ka thënë shkurt ai.

Paneli Zgjedhor për Ankesa dhe Parashtresa, sot duhet të vendosë për ankesat e partive politike për mos certifikimin e listave me kandidatë për deputetë nga Komisioni Qendror i Zgjedhjeve.

KQZ-ja nuk ka certifikuar listat zgjedhore të Lëvizjes Vetëvendosje, AAK-së dhe  Nismës Socialdemokrate për shkak të kandidatëve për deputetë të cilët kanë probleme me ligjin./koha.net