Arrestohet i kërkuari në Suharekë dërgohet në vuajtje të dënimit me tre vjet
Policia në Prizren ka arrestuar të kërkuarin me inicialet A.B., 29 vjeç, nga Suhareka, i cili ishte i dënuar për veprën penale “Lëndim i rëndë trupor”.
Pas arrestimit, ai është dërguar për të vuajtur dënimin prej tre vjetësh burgim, sipas urdhëresës gjyqësore të lëshuar nga Gjykata Themelore në Prizren.
Pas përfundimit të procedurave, i njëjti është dërguar në institucionin e vuajtjes së dënimit, thuhet në njoftimin e policisë në Facebook./KK
