Një person është arrestuar në Prizren, pasi i janë gjetur substanca narkotike të llojit marihuanë, raporton “Gazeta e Prizrenit”.

Sipas policisë, rasti ka ndodhur në rrugën “Flamuri i Arbërit” dje rreth orës 19:30.

Raporti nga PK:

 POSEDIM I SUBSTANCAVE NARKOTIKE

Është arrestuar i dyshuari mashkull kosovar pasi që i njëjti është hasur duke shitur substanca narkotike te llojit marihuanë. Në vendin e ngjarjes i është gjetur dhe konfiskuar një qese najloni e mbushur me substancë te dyshuar narkotike e llojit marihuanë me peshë 112 gram. Me urdhër të prokurorit dhe pëlqimin e Gjyqtarit është kryer kontrolli i shtëpisë te dyshuarit. Gjatë kontrollimit është gjetur dhe sekuestruar një peshore digjitale si dhe një telefon mobil. Me vendim të prokurorit kujdestar, te dyshuarit i është caktuar masa e ndalimit për 48 orë.