26-01-2021

Arrihet marrëveshja e koalicionit LDK-AKR, këto janë detajet

Aleanca Kosova e Re dhe Lidhja Demokratike e Kosovës kanë arritur marrëveshje.

Në bazë të së njëjtës, AKR do të garojë në listën zgjedhore të LDK-së me 10 kandidatë.

Këtë për lajmi.net e ka konfirmuar edhe Vesel Makolli nga AKR. Ai ka thënë se ka pasur diskutime deri në momentet e fundit, por që është arritur marrëveshja.

“Kemi pasë diskutime deri në momentet e fundit, por që është arritur marrëveshja. Do t’i kemi 10 emra në Listën e Përbashkët”, ka thënë Makolli për lajmi.net.

Ndryshe, paraprakisht partia e Behgjet Pacollit ishte shprehur se preferon koalicion me LDK-në, para se t’i bashkëngjitet listës së kësaj të fundit.

Sidoqoftë, nga LDK nuk ishin shprehur të gatshëm për koalicion dhe kësisoj marrëveshja është arritur për listë të përbashkët.

Asnjë koment

Comments are closed.