22-07-2024

Asambleja Parlamentare e Këshillit të Evropës mbështet anëtarësimin e Kosovës

Shumica e deputetëve të Asamblesë Parlamentare të Këshillit të Evropës mbështeti anëtarësimin e Kosovës në këtë organizatë me seli në Strasburg.
Raportuesja për Kosovën në KiE, deputetja greke, Dora Bakoyannis, e arsyetoi në Asamblenë Parlamentare raportin e saj, që rekomandon anëtarësimin e Kosovës në Këshillin e Evropës.

Ajo u bëri thirrje të pranishmëve që të votojnë raportin e saj, në mënyrë që Kosova të mund të bëhet anëtare e KiE-së.

Bakoyannis mes tjerash tha se është konfirmuar që, pavarësisht disa mangësive, Kosova është demokraci funksionale.

Sipas saj, juristët kanë konfirmuar qëndrimin se Kosova i përmbush kërkesat bazike për anëtarësim në Këshillin e Evropës. Bakoyannis shpjegoi se raporti nuk prek çështjen e njohjes apo mosnjohjes së Kosovës dhe se kjo çështje duhet të mbetet kompetencë e shteteve.

Ajo ka përmendur tri çështje që i ka konsideruar më problematike për t’u zgjidhur, atë për Manastirin e Deçanit, shpronësimin dhe Asociacionin e komunave me shumicë serbe

Asnjë koment

Comments are closed.