Drejtues të Policisë dhe të Prokurorisë Themelore në Prizren sot janë deklaruar rreth rrënimit të një pjese të një objekti tek Kompleksi tregtar “Abi Çarshia” nga ana e inspektoratit komunal.

Për këtë ata kanë mbajtur një konferencë për media. Kryeprokurori i Prizrenit, Admir Shala i ka vlerësuar si të pabaza sulmet,  që janë bërë ndaj Prokurorisë, duke thënë se ajo vepron në bazë ligjeve pavarësisht se për kë bëhet fjalë, shkruan “Gazeta e Prizrenit”.

Drejtori i Drejtorisë rajonale të Policisë, Faton Alija, ndërkaq ka thënë se përkundër angazhimeve të policisë, pjesëtarët e saj kanë asistuar ndaj kërkesës së Komunës, ndërsa kapacitetet e policisë nuk janë që ajo të asistojë për raste të rregullta edhe gjatë ditëve të fundjavës, që është kërkuar nga zyrtarët komunal.

Ai ka thënë se për rastin e “Abi Qarshisë” ka disa vendime dhe aktvendime, për këtë është konsultuar me drejtuesit më të lartë të Policisë, si dhe zyrtarët e Ministrisë së Mjedisit, për të sqaruar procedurat dhe kompetencat, ndërsa ka kërkuar edhe takim me kryetarin e Komunës së Prizrenit. /GazetaePrizrenit.net

Video është huazuar nga tv Prizreni