Digjen disa shtëpi në fshatra të Suharekës
Disa shtëpi janë djegur, sot në fshatrat Mushtisht, Sallagrazhdë, Gjinoc, e në shumë pjesë tjera të komunës së Suharekës, raporton Gazeta e Prizrenit.
Këtë e ka njoftuar kryetari i kësaj komune, Bali Muharremaj, përmes një postimi në “facebook”.
Lexo edhe:
Sipas tij, era e fortë që ka përfshirë këtë pjesë ka shkaktuar përplasje të telave të rrymës dhe si rezultat i kësaj situate janë djegur disa shtëpi.
Postimi i Muharremajt:
Situata ende vazhdon të mbetet kritike nga zjarret.
Edhe pse sot në mesditë nuk kemi pasur raste të zjarreve, era e fortë ka shkaktuar përplasje të telave të rrymës dhe si rezultat i kësaj situate janë djegur disa shtëpi, si në Mushtisht Sallagrazhdë, Gjinoc, e në shumë pjesë tjera.
Të gjitha ekipet janë në teren me të gjitha kapacitet vepruese.
Duhet të jemi në mobilizim e sipër, ngase temperatura e lartë po shkakton zjarre në disa dimenzione, mirëpo unë shpresoj dhe besoj që edhe në fshatra po mobilizoheni në grupe vullnetare që të mbetemi vigjilent përballë kësaj situate.
