Përmes një komunikate për media bëhet e ditur se të arrestuarit dyshohet të jenë përfshirë në dy raste të ndodhura më 4 shkurt 2019 në fshatin Brodesan të Dragashit, ku të njëjtit kanë depërtuar në shtëpitë e viktimave dhe në mënyrë të paligjshme kanë arritur të marrin gjësende të ndryshme si: tri (3) unaza të argjendit, katër (4) krahore që mendohet se janë të arit, tri (3) brisqe prodhim zviceran, dy (2) telefona celularë.

Vlera e përgjithshme e gjërave të vjedhura është e konsiderueshme.

Lidhur me rastin janë ndërmarrë të gjitha veprimet e nevojshme procedurale, duke përfshirë intervistimin e personave të dyshuar, ku pas intervistimit rasti shkon në procedurë të rregullt pasi që të dyshuarit janë persona të mitur.