Gjetja e substancave narkotike, të llojit “marihuanë” ka qenë shkak për arrestimin e dy personave në Prizren, shkruan sot “GazetaePrizrenit.net”.

Në rastin e parë është arrestuar një i dyshuar, pasi që gjatë një kontrollit të shtëpisë së tij janë gjetur dhe konfiskuar një qese me marihuanë rreth 0.82 gramë dhe një pistoletë ‘Basque cal 32’.

Ndërkaq, sipas policisë, në rastin e dytë është arrestuar një i dyshuar mashkull K/Shqiptar, pasi tek i njëjti është gjetur dhe është konfiskuar një sasi e vogël rreth 3.26 gramë substancë narkotike e llojit marihuanë.

Në të dyja rastet me urdhër të prokurorit të dyshuarit janë liruar në procedurë të rregullt.

Kohët e fundit, në raportet e policisë në Prizren gjithnjë e më tepër bëhet fjalë për rastet të gjetjes dhe konfiskimit të “marihuanës”. /GazetaePrizrenit.net’