Edi Rama, ka njoftuar sot se Shqipëria ka siguruar 500 mijë doza të vaksinës antiCOVID të kompanisë “Pfizer” dhe një pjesë të kësaj sasie e ka premtuar edhe për Kosovën.

Kryeministri i Shqipërisë ka thënë se nuk do t’ia kthejmë Kosovës shpinën as këtë herë dhe se me këto vaksina do vaksinohen punëtorët në QKUK.

“Nuk do t’ia kthejmë shpinën Kosovës duke e lënë në pritje. Nuk ia zgjidhin këtë hall, por do t’i ndihmojnë. Kosovës do t’i dhurojmë një sasi për bluzat e bardha në mënyrë që heronjtë e vijës së parë në Spitalin e Prishtinës të nisin në të njëjtën kohë vaksinimin me heronjtë tanë”, ka thënë Rama.