05-08-2020

Familja Bytyqi: Thaçi dhe Veseli bashkëpunuan me SHBA-në dhe NATO-n për të ndaluar mizorinë serbe

Familja Bytyqi përmes një deklarate në 21 vjetorin e vrasjes së vëllezërve Bytyqi, ka thënë se shpreson që akuzat ndaj liderëve të Kosovës, si ndaj Presidentit Thaçi dhe Kadri Veselit, të mos ndalojnë procesin e pajtimit.

Ata kanë thënë se Ushtria Çlirimtare e Kosovës, që Thaçi dhe Veseli e drejtuan, ka punuar me Shtetet e Bashkuara dhe NATO-n për të ndaluar mizori edhe më të mëdha.

  • “Shpresojmë që akuzat ndaj liderëve të Kosovës si ndaj Presidentit Thaçi dhe Kadri Veselit të mos ndalojnë procesin e pajtimit. Po aq e rëndësishme, ato nuk duhet të errësojnë faktin që qeveria e Millosheviçit ishte një regjim kriminel që ishte përgjegjës për mizoritë më të këqija në Evropë që nga holokausti. Ushtria Çlirimtare e Kosovës që Thaçi dhe Veseli drejtuan ka punuar me Shtetet e Bashkuara dhe NATO-n për të ndaluar mizori edhe më të mëdha”, thuhet në deklaratën e familjes Bytyqi.

    Në vijim e gjeni të plotë deklaratën e  familjes Bytyqi:

    Deklaratë për 21 vjetorin e vrasjes së vëllezërve Bytyqi

    8 korrik 2020

    Njëzet e një vjet më parë, familja jonë pësoi humbjen më të mëdha  pasi Yll, Agron dhe Mehmet Bytyqi u rrëmbyen  nga ne nga ana e  qeverisë serbe. Presidenti Aleksandar Vuqic i ka premtuar qeverisë së Shteteve të Bashkuara dhe familjes sonë se ai do t’i zgjidhte çështjet para më shumë se gjashtë vjet. Në mënyrë private, ai e ka specifikuar Goran Radosavljeviçin me emër. Vlastimir Gjordjeviç është gjithashtu përgjegjës. Presidenti Vuçiq ka provat dhe mundësinë. e vetmja gjë që i mungon është vullneti. Vuajtja e familjes sonë nuk është vuajtja e vetme që ai injoron. Presidenti Vuçiç mbron dhe madhëron shumë kriminelë të tjerë të luftës. Bota, përfshirë administratën Trump, e dinë që kjo të jetë e vërtetë. Ata janë si të mpirë ndaj këtyre  fakteve.

    Nuk jemi të mpirë. Ne nuk do të harrojmë.

    Për të qenë e qartë, familja ime uron  për suksese në bisedimet ndërmjet Kosovës dhe Serbisë. Njerëzit e të dy vendeve meritojnë një të ardhme më të mirë. Si fqinjë, ne duhet të jetojmë dhe të punojmë së bashku për këtë qëllim. Ne gjejmë shpresë të madhe dhe forcë tek shumë serbë që na kanë ndihmuar të mbijetojmë dhe të luftojmë për drejtësi këto njëzet e një vitet e fundit.

    Shpresojmë që akuzat ndaj liderëve të Kosovës si ndaj Presidentit Thaçi dhe Kadri Veselit të mos ndalojnë procesin e pajtimit. Po aq e rëndësishme, ato nuk duhet të errësojnë faktin që qeveria e Millosheviçit ishte një regjim kriminel që ishte përgjegjës për mizoritë më të këqija në Evropë që nga holokausti. Ushtria Çlirimtare e Kosovës që Thaçi dhe Veseli drejtuan ka punuar me Shtetet e Bashkuara dhe NATO-n për të ndaluar mizori edhe më të mëdha.

    Në këtë përvjetor tragjik të së kaluarës dhe të tashmes së familjes sonë, Shtetet e Bashkuara dhe bota duhet të kujtojnë se vrasjet e pazgjidhura të Yllit, Agronit dhe Mehmetit janë thjesht simbolikë e faktit që Serbia kurrë nuk ka kërkuar të pajtojë të kaluarën e saj. Derisa të ndodhë, ne nuk mund të pajtojmë të ardhmen tonë.

    Until Justice is Served: A Promise for the Bytyqi Brothers from Praveen Madhirajuon Vimeo.

    https://mailchi.mp/d0d1ffaae731/21st?e=4c7e6404c1&fbclid=IwAR3uiU7AX3m8r9prnbbUd3Js_7tTjojrrPEU2E0Pkh3r2ye9GaGaIXiQ5fQ

    Asnjë koment

    Comments are closed.