Në Suharekë sikur edhe është raportuar është identifikuar një grua 53-vjeçare me virusin COVID-19.

Djali i të njëjtës ka folur për TherandaPost. Ai ka thënë askush ende s’i ka kontrolluar.

“Nga data 8 deri 11 mars, nëna ka pasur një kontakt me një persona nga Zvicrra, edhe kështu është bartë virusi prej tij”, ka treguar ai.

Për momentin, e prekura është në Prishtinë dhe po trajtohet atje, teksa familja është e izoluar në Suharekë. Ai ka treguar se prej kur ka nisur të ketë kollë, ethe e temperaturë të lartë, nëna e tij e ka evituar daljen dhe kontaktin me të tjerë.

Edhe pse u bë e ditur se Instituti i Shëndetit Publik ka bërë kontrolle në familje, një gjë e tillë përgënjeshtrohet nga vetë familjari.

“Asnjë kontroll nuk e kanë bërë. Thjeshtë i kanë marrë të dhënat e familjarëve edhe asnjë send më shumë, hiq”, tha djali i të prekures me COVID-19, duke shtuar se edhe në Prishtinë janë të detyruar t’i blejnë barna nënës së tyre me anë të disa kushërinjve.

Ai ka treguar se tani gjendjen shëndetësore e kanë stabile dhe se ka bërë thirrje qw të mos bëhet panik.

Ndryshe IKSHP pak më parë ka njoftuar se tashmë janë identifikuar edhe katër të prekur me Covid-19. Numri i të prekurve ka shkuar në 28.