Por, ish deputeti i PDK’së, nuk është i vetmi që i është dërguar kjo ftesë.

Deri tash, ftesë për t’u paraqitur para Gjykatës Speciale kanë marrë edhe disa ish pjesëtarë të UÇK’së.

Megjithatë Gucati thotë se nuk do reagojnë vrullshëm ndaj këtyre veprimeve.

Ai thekson se këto ftesa janë dërguar me një arsye.

Burimet e Gazetës Express deri më tani kanë konfirmuar katër emra të thirrur nga Haga. Dy prej tyre, profil i lartë, ndërsa dy të tjerë ish-ushtarë të thjeshtë të UÇK-së, të gjithë emra të njohur për redaksinë.

Kurse avokati i Mustafes, Arianit Koci nuk ka pranuar të deklarohet për ftesën që i është bërë klientit të tij. Një paraqitje për emisionin Pressing ai ka folur shumë shkurt.

Ndërkohë, Gjykata Speciale do fillojë me ngritjen e aktakuzave në muajin janar.