Dy persona mbrëmë kanë tentuar ta grabisin Komunën e Prizrenit.
Ata të maskuar mbrëmë rreth orës 02:00 pas mesnate, kanë arritur të hyjnë në Administratën Komunale të Komunës së Prizrenit.
Grabitësit kanë thyer një dritare, dhe të pa vërejtur nga ana e sigurimit të objektit kanë arritur të hyjnë brenda Administratës Komunale “ One Stop Shop” apo shërbimi për qytetarët, shkruan LAJME365.
Grabitësit me maska kanë kërkuar para nëpër sportelet e Komunës së Administratës ku ofrohen shërbime për qytetarët si certifikata dhe shërbime tjera.
Drejtori i Administratës Osman Hajdari ka konfirmuar për LAJME365 se grabitësit kanë shkaktuar disa dëme materiale, por nuk kanë arritur që të gjejnë para për të cilat edhe besohet se kanë thyer objektin e Administratës.
Për rastin në fjalë është njoftuar edhe Policia e Kosovës e cila ka dalur në vendin e ngjarjes, mirëpo për organet e drejtësisë mbeten të panjohur, dhe janë larguar nga vendi i ngjarjes.
Reformimi i Administratës dhe ofrimi i shërbimeve të shpejta, u cilësuar arritje e madhe dhe një ndër reformat kryesore dhe premtim i Komunës së Prizrenit, ndërsa qendra e Administratës në formën ” ONE STOP SHOP ” është e para e llojit të tillë në Kosovë.
Në gusht të vitit 2019 kishin filluar punimet për realizmin e këtij projekti, ndërsa hapja dhe përurimi u bë në Mars të këtij viti.
