Komuna e Prizrenit ka hapur afatin e aplikimit për ndërtimin e 20 shtëpive me çelësa në dorë, raporton Gazeta e Prizrenit.

Përmes faqes zyrtare të komunës,  Drejtoria për Punë dhe Mirëqenie Sociale ka bërë të ditur se projekti do të realizohet bazuar në marrëveshjen me shoqatën Jetimat e Ballkanit për vitin 2021.

Nga ky projekt do të mbështeten familjet skamnore pa strehim dhe ato me shtëpi të dëmtuara nga vjetërsia.

Njoftohen të gjithë aplikuesit që kriteret e përzgjedhjes së përfituesve do të zbatohen sipas ligjit nr.03/L-164 për financimin e programeve të veçanta të banimit dhe udhëzimet administrative si dhe kriteret nga shoqata Jetimat e Ballkanit.

Pyetësori i plotësuar dhe dokumentet (dëshmitë) për vërtetimin e gjendjes së banimit, duhet të dorëzohen në sportelet e administratës komunale, nga sot 18.01.2021, deri më 19.02.2021.

Pyetësorin për aplikim e gjeni KËTU