“Në 11 maj do të vendosim për hapjen më tutje korridorin e lëvizjes tokësore apo ajrorë për të hyrë në vendin tonë” tha Rama.

Në mars të këtij viti, Qendra Kombëtare për Menaxhim Kufitar në Kosovë lajmëron gjithë qytetarët për masat e ndërmarra nga ana e autoriteteve të Republikës së Shqipërisë, sa i përket qarkullimit kufitar për në Republikën e Shqipërisë.

“Duke filluar nga data 13.03.2020, në ora 06:00, do të ndalohet hyrja në territorin e Republikës së Shqipërisë, për të gjithë shtetasit apo veturat e Republikës së Kosovës.

Do të lejohet hyrja vetëm e veturave të shëndetësisë, ndihmës së shpejtë, automjeteve komerciale (ato të cilat bartin mallra) dhe veturave qeveritare. Kjo masë do të zgjasë deri më datë, 15.03.2020 në ora 24:00″, thuhet në njoftimin për shtyp.