Fotografia është publikuar nga grupi Qytetarët Aktivë, që kishin organizuar një sërë aksionesh kundër qeverisjes së kaluar, duke kritikuar heshtjen pas tri aktakuzave për tre drejtorë në Prizren.

6 organizata nga shoqëria civile, ia kanë kërkuar Haskukës shkarkimin e drejtorëve me aktakuza.Naim Cahani nga Instituti Demokratik i Kosovës, thotë se nga Haskuka kërkojnë që të respektojë zotimin e dhënë para se të marrë mandatin për qeverisje me njerëz pa aktakuza.Nëse nuk bëhet shkarkimi i tyre, Cahani nuk ka përjashtuar protestat.

Aktakuzat ndaj drejtorëve të kësaj komune, janë ngritur më 3 dhjetor.Kryetari i Komunës së Prizrenit, Mytaher Haskuka, nuk është përgjigjur në interesimin e televizionit për të marrë qëndrimin e tij, pas kërkesës që i është bërë nga shoqëria civile për largimin nga qeverisja të drejtorëve me aktakuza për keqpërdorim të detyrës zyrtare.

Në gusht të këtij viti, një tjetër drejtor i kësaj komune, ai për Ekonomi dhe Financa, kishte dhënë dorëheqje nga pozita e tij.