06-07-2020

Hiqet masa e karantinës në Korishë të Prizrenit

Drejtori për Siguri dhe Emergjenca ne Komunën e Prizrenit, Faruk Dakaj, ka njoftuar se fshati Korishë është liruar nga karantina.

Përmes një postimi në Facebook, Dakaj ka thënë se pasi që nuk kishte asnjë rast tjetër pozitiv në fshat me Covid -19, Ministria e Shëndetësisë mori vendim që kjo masë të hiqet sot

“Pas 14 ditësh në karantinë dhe pasi që nuk kishte asnjë rast tjetër pozitiv në fshat me Covid -19, Ministria e Shëndetësisë mori vendim që kjo masë të hiqet sot”, ka shkruar ai.

“Disiplina e treguar nga banorët e fshatit bëri që virusi Covid -19 të mos mundet t’i ngulë rrënjët dhe të përhapet më tej. Bashkëfshatarëve të mi u shprehi respekt për bashkëpunim, mirëkuptim dhe koordinim të plotë me institucionet komunale dhe Policinë e Kosovës në zbatimin e kësaj mase ndryshe nga të zakonshmet. Tanimë jemi një hap para në parandalimin e shpërndarjes së virusit, por duhet kujdes, shumë KUJDES!”, ka shkruar ai në Facebook.

Asnjë koment

Comments are closed.