Sipas tyre, vendimi për rrënim të dhunshëm është nxjerrë pasi që pala nuk ka respektuar vendimin e MMPH-së e as aktet e DI-së lidhur me këtë çështje, shkruan sot Koha Ditore.

Në të njëjtën kohë drejtuesit e DI-së kanë akuzuar investitorin, por edhe institucionet e tjera ligjzbatuese për provokime e bllokada në ekzekutimin e vendimit.

Në anën tjetër, përfaqësuesit e kompanisë “ABI” kanë vlerësuar se veprimet e Komunës së Prizrenit janë të motivuara nga inatet politike dhe se DI-ja në këtë rast është duke vepruar në mënyrë të paligjshme, pasi tejkalimi, sipas tyre, është në pronë private dhe se tashmë Ligji i ri për legalizimin e objekteve me tejkalim mundëson trajtimin e këtyre rasteve. Përderisa palët kanë ofruar qëndrime diametralisht të kundërta rreth kësaj çështjeje, deri në momentet e raportimit nuk ka filluar rrënimi i ndërtesës me tejkalim të lejes ndërtimore.

Drejtori i Inspektorateve në Komunën e Prizrenit, Islam Thaçi, gjatë ditës para gazetarëve ka deklaruar se në ekzekutimin e DI-së të vitit të kaluar pati ndërhyrë MMPH-ja, me nxjerrjen e një vendimi, me të cilin ka urdhëruar të dyja palët, pra DI-në dhe investitorin, që ta respektojnë atë.