15-07-2024

Komuna e Malishevës ka një njoftim të rëndësishëm për qytetarët

Komuna e Malishevës ka njoftuar se që nga dita e enjte, për shkak të zgjerimit të punimeve do të bllokohen për qarkullim katër rrugët kryesore të cilat kyçen në rreth, përkatësisht në hyrje të qytetit.

Sipas njoftimit, rrugët që do të bllokohen për qarkullim janë rruga “Adem Jashari”, nga stacioni i autobusëve deri te rrethi, rruga “Ibrahim Mazreku”, nga ura e madhe deri te rrethi, rruga “Imer Krasniqi”, nga kyçja me rrugën “Ushtarët e Lirisë” deri te rrethi dhe rruga “Skënderbeu” nga kyçja me rrugën “Hysni Mazreku” deri te rrethi.

“Komuna e Malishevës kërkon mirëkuptimin e qytetarëve dhe bizneseve për vështirësitë që do të krijohen në qarkullim për shkak të mbylljes së domosdoshme të këtyre rrugëve në këtë fazë të punimeve”, thuhet në njoftimin e komunës.

Më tej, komuna ka publikuar një hartë, ku janë shfaqur rrugët alternative që mund të shfrytëzohen, teksa u bë e ditur se rrugët do të lirohen për qarkullim pas përfundimit të punimeve.

Asnjë koment

Comments are closed.