Prizreni me rrethinë është në atmosferën solemne në kuadër të shënimit të 11- vjetorit të Pavarësisë së Kosovës, me ç’rast nëpër qytet janë shpalosur flamujt shtetëror, ata kombëtarë dhe të vendeve mike.

Me këtë rast është publikuar dhe programi për shënimin e kësaj dite, por kuvendarja e PDK-së në Kuvendin Komunal të Prizrenit, Sherife Balaj, ka reaguar për atë se Komuna nuk ka paraparë mbajtjen e një Mbledhje Solemne për nderë të Ditës së Pavarësisë, shkruan “GazetaePrizrenit.net”.

Në një postim në profilin e saj në ‘facebook’ Balaj një veprim të tillë e ka krahasuar me Komunën e Graçanicës dhe komunat e tjera që udhëhiqen nga komuniteti jo shumicë

Ja postimi i saj:

“Komuna e Prizrenit, nuk organizon Seancë Solemne për nderë të Ditës së Pavarësisë

Njësoj me Komunën e Graçanicës dhe Komunat e tjera që udhëhiqen nga komuniteti jo shumicë 🙄

Edhe ashtu se njohin Shtetin nga i cili marrin paga dhe miljona nga institucionet e tij.

Bëj thirrje Institucioneve të Shtetit dhe qytetarëve, pa dallime, të Republikës së pa varur t’Kosovës, të organizohet dhe t’festohet me dinjitet dhe moral të lartë njerëzor”, ka shkruar ajo./GazetaePrizrenit.net/