Një vjedhje grabitqare ka ndodhur para dy ditësh në një shtëpi në Damjan të Gjakovës, në orët e mëngjesit. Kryefamiljari, Binak Zymi, 40-vjeçar, e njoftoi Policinë se ka kapur katër persona duke vjedhur në shtëpinë e tij.

Njërin prej tyre ai ka arritur ta identifikojë, të cilin e kishte kapur duke tentuar ta ndalojë, por ai e kishte sulmuar dhe ishte larguar bashkë me të dyshuarit e tjerë.

Gazeta Sinjali mëson se personi që u zbulua nga viktima tashmë është arrestuar dhe bëhet fjalë për Kujtim Kerellajn, ndaj të cilit Prokuroria Themelore në Gjakovë ka nxjerrë aktvendim për ndalim prej 48 orësh.

Zyma ka bërë të ditur se që disa herë që përballet me vjedhje dhe beson që kishte qenë i njëjti person iniciatori, të cilin thotë se e njeh prej vitesh.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim

Foto nga arkivi