Sulmuesi kroat, Mario Mandzukic së fundmi njoftoi tërheqjen e tij nga futbolli profesionist në moshën 35-vjeçare për t’i dhënë fund një karriere që solli sukses në Bayern Munich, Atletico Madrid dhe Juventus.

Mario me siguri mund të jetë krenar për arritjet e tij. Gjatë një karriere të lakmueshme profesionale 17-vjeçare, sulmuesi fitoi 10 tituj të ligës (përfshirë Bundesligën dhe Serinë A), shtatë kupa vendase dhe Ligën e Kampionëve.

Ai ishte gjithashtu golashënuesi më i mirë në Euro 2012 dhe përfundoi nënkampion në Kupën e Botës me Kroacinë, duke bërë histori në procesin kur ai u bë lojtari i parë që shënoi një gol dhe një autogol në një finale të Kupës së Botës kundër Francës në 2018.

Pas tërheqjes nga futbolli dhe një karriere të madhe futbollistike, Mandzukic tani ka gjetur veten në një post të ri, transmeton lajmi.net

35-vjeçari tani është emëruar anëtar i ri i shtabit profesional të përzgjedhësit Zlatko Dalić në kombëtaren e Kroacisë.

“Mirë se vini përsëri në Vatrene – ne besojmë se do të jeni po aq të suksesshëm në rolin e trajnerit sa në rolin e lojës!”, i ka dhënë përshëndetje kombëtarja kroate sulmuesit në Twitter.