05-08-2020

Ministri Bislimi thotë se Kosova ka ulur papunësinë, në SHBA 33.3 milionë të papunë për një muaj

Edhe 3.2 milionë amerikanë të tjerë kanë mbetur pa punë në javën e fundit, me shifrat e papunësisë në Shtetet e Bashkuara të Amerikës që po vazhdojnë të rriten që nga shpërthimi i koronavirusit.

Ministri në detyrë i Financave, Besnik Bislimi, ka thënë para disa ditësh se në Kosovë së fundmi është shënuar papunësia më e vogël në 20 vjetët e fundit. Megjithatë, supërfuqitë botërore po raportojnë për rritje të papunësisë cdo ditë.

  • Numri total i atyre që janë regjistruar si të papunë që nga mesi i muajit mars ka arritur në 33.3 milionë, raporton BBC.

    Kjo nënkupton më shumë se 15 për qind e forcës punëtore në SHBA.

    Gjithsesi, kjo javë shënoi më pak të papunë se 3.8 milionëshi sa ishte një javë më herët dhe përgjysmë më pak në krahasim me javën e parë të marsit kur vendet e punës i humbën 6.9 milionë amerikanë.

    Vetëm dy muaj më parë, në SHBA shkalla e papunësisë ishte 3.5 për qind. Ajo ishte vlera më e ulët në 50 vjetët e fundit.

    SHBA-ja është vendi më i prekur nga koronavirusi në botë me 1.2 milionë të infektuar e më shumë se 73 mijë të vdekur.

    Asnjë koment

    Comments are closed.