Kuvendi Komunal i Prizrenit sot ka diskutuar lidhurme sigurinë në këtë komunë, ku i pranishëm ishte edhe Ministri i Brendshëm, Ekrem Mustafa.

Në takimin e Këshillit Komunal për Siguri në Bashkësi u tha se puna e ministrisë që ka ndikim të drejtpërdrejtë në sigurinë e qytetarëve, identifikohet më mirë përmes debatimit mbi çështjet e sigurisë në Komunën e Prizrenit. Mustafa tha se Prizreni ka specifikat e tij e njëkohësisht edhe për një komunë me territor shumë të gjerë.

“Ngritja e sigurisë nëpër shkolla vazhdon të mbetet një sfidë. Angazhimi në parandalimin dhe identifikimin e hershëm të problemeve në shkolla do të pamundësonte zgjerimin e këtyre problemeve. Një bashkëpunimi i sinqertë dhe reciprok ndërmjet Policisë, prindërve dhe personelit arsimor është i rëndësisë tejet të veçantë”. Sipas tij prioritet tjetër mbetet edhe ngritja e sigurisë në komunikacionin rrugor.

“Jemi dëshmitarë të aksidenteve me fatalitet edhe në komunën tuaj. Përmirësimi i sigurisë në komunikacionin rrugor nuk varet vetëm nga Ministria e Punëve të Brendshme, ngase rol të rëndësishëm në këtë drejtim luajnë edhe akterë të ndryshëm në nivel nacional dhe lokal si dhe kontribut të çmuar japin edhe pjesëmarrësit në komunikacion dhe vetëdijesimi i tyre”.

Qytetarët e Prizrenit e mirëpritën këtë iniciative për debat me ministrin./klan kosova/