Ndahet nga jeta ish-drejtori komunës së Prizrenit dhe themeluesi i RTV “Yeni Donem”, Mehmet Bytyç
Është ndarë nga jeta në moshën 69-vjeçare Mehmet Bytyç, një nga emrat që dha kontribut të madh për komunitetit turk të Kosovës. Bytyqi, ishte themelues i Radio dhe Televizionit “Yeni Donem”, i cili kishte program në gjuhën turke, shqipe dhe boshnjake.
Ai u bë zëri i komunitetit turk në Kosovë me gazetën ‘ Yeni Donem ‘, të cilën e botoi pas luftës në vitin 2000.
Në vitin 2013 – 2014 ishte Drejtor i Financave në Komunën e Prizrenit, nën qeverisjen e Ramadan Mujës.
Kryetari i Partisë Demokratike Turke të Kosovës – KDTP në Prizren, Fikrim Damka, u ka uruar ngushëllime familjes së të ndjerit, duke thënë se kontributet e Bütüç do të kujtohen gjithmonë dhe do të jenë shembull për gjeneratat e ardhshme.
“Me pikëllim të thellë mësova vdekjen e plakut tonë të çmuar Mehmet Bütüç, i cili ofroi shërbime të mëdha për shoqërinë kosovare turke, mori rol aktiv në politikë, shërbeu si drejtor i komunës dhe si pronar i gazetës “Yeni Dönem”, i cili bëri shumë kontribute të rëndësishme në mediat kosovare turke dhe mbajtën një jetë plot sakrifica për shoqërinë tonë. Përpjekjet dhe kontributet e tij do të kujtohen gjithmonë dhe do të jenë shembull për gjeneratat e ardhshme.
Allahu e mëshiroftë të ndjerin, ngushëllimet e mia familjes dhe farefisit të pikëlluar.
Ngushëllimet tona për të gjithë.”, ka shkruar Damka në Facebook./TVPrizreni/
