Në Kërvasari të Malishevës hapet rruga që ishte bllokuar pas të reshurave
Në kuadër të sanimit të dëmeve nga reshjet, është hapur për qarkullim rruga në fshatin Kërvasari, e cila lidh lagjen Kodrali, me pjesën tjetër të fshatit.
Po ashtu është mbushur edhe një pjesë e urës, e cila është dëmtuar dhe qarkullimi mbi urë duhet të bëhet të kujdes të shtuar.
Këtë rrugë sot e ka vizituar edhe nënkryetari i Komunës së Malishevës, Hajdin Berisha, me qëllim të njoftimin me gjendjen në terren.
Rruga e dëmtuar, e cila ishte e shtruar me kubëza, ishte dëmtuar në tërësi dhe ka qenë e pakalueshme, e po ashtu edhe ura ishte dëmtuar, në masë të madhe.
Në këtë rrugë, janë larguar kubëzat dhe dheu, si dhe është mbushur pjesa e epërme e urës, dhe tani mbi urë mund të kalojnë automjetet e vogla, por me kujdes të shtuar, pasi kjo urë është e dëmtuar në masë të madhe.
