04-07-2020

Nënshkruhet kontrata për zgjerimin e rrugës Rahovec-Xërxë në katër korsi

Komuna e Rahovecit njofton se sot, në prani të nënkryetarit, këshilltarëve dhe drejtorit të Shërbimeve Publike, bashkërisht me përfaqësuesit e kompanive fituese të tenderit, ka nënshkruar kontratën për zgjerimin e rrugës Rahovec-Xërxë në katër korsi, transmeton Koha.net.

Ky projekt është i komunës së Rahovecit, përkatësisht Drejtorisë së Shërbimeve Publike si bartëse e tij, i përkrahur financiarisht nga Ministria e Infrastrukturës dhe Transportit.

Vlera totale e projektit është: 6,513,953.60 euro dhe është i ndarë në tri Lote:

Lot I- ka gjatësi 4400 metra, në vlerën: 2,947,480.25 €uro, me operator “Viktoria Invest International SH.P.K.”

Lot II- me gjatësi 2850 metra, në vlerë: 1,739,598.46 €uro, me operator “Euro Asphalt SH.P.K.”

Lot III- me gjatësi 4300 metra, në vlerë: 1,826,875.07 €uro me operator “Mendi – P SH.P.K.”

Rruga katër (4) shiritëshe (korsi) ka gjatësi 7200 metra, kurse

Rruga tre (3) shiritëshe (korsi) është e gjatë 4300 metra.

Rruga përmban ndriçim përgjatë vendbanimeve, ka kanalizim atmosferik dhe fekal, ka rrethrrotullime, trotuare në të dy anët e rrugës në vendbanime, sinjalizim horizontal dhe vertikal, barriera ndarëse në mes të rrugës dhe do të bëhet zgjerimi i urave ekzistuese.

Asnjë koment

Comments are closed.