Parashikimi i motit gjatë javës së fundit të shkurtit
Instituti Hidrometeorologjik i Kosovës ka njoftuar se java e fundit e shkurtit do të karakterizohet me mot kryesisht pranveror.
Në njoftimin e IHMK-së thuhet se kushtet e motit janë si shkak i masave të fuqishme ajrore me presion të lartë atmosferik.
“Mëngjesi i së hënës do të jetë me ngrica të lehta, por në viset malore ngricat mbeten të qëndrueshme në orët e para të ditës. Temperaturat minimale do të lëvizin ndërmjet -1 deri 3 gradë Celsius, ndërsa maksimalet e ditës parashihen të lëvizin ndërmjet 13-17 gradë Celsius”, thuhet në njoftim.
Era do të fryjë nga jugperëndimi dhe veriperëndimi me shpejtësi 1-5 m/s.
