Për të hënën parashikohet të mbajë mot me vranësira të shpeshta dhe intervale të shkurta me diell, ku kohë pas kohe pritet të ketë reshje lokale shiu, me përjashtim për në orët e mëngjesit ku mund të ketë shqotë apo shi të ngrirë, kryesisht në sasi të pakta. Po ashtu, në orët e mëngjesit do të ketë edhe mjegull nëpër lugina dhe ultësira.

Era do të fryjë drejtimesh të ndryshme me shpejtësi prej 8-22 km/h.

Temperaturat minimale do të lëvizin prej 0 deri në 2°C, ndërsa ato maksimale prej 6 deri në 10°C. Gjatë pasditës pritet ulje e temperaturave me ardhjen e sistemit. /MK