“Parku i Biznesit” i premtuar vite më parë nga Shaqir Totaj kthehet në deponi mbeturinash
Por, janë bërë shtatë vite që nga premtimi i Shaqir Totajt, dhe ndërtimi i Parkut të Biznesit as nuk ka filluar. Madje lokacioni ku ishte destinuar për të është kthyer në deponi mbeturinash.
Siç shihet në pamje kjo hapësirë është në gjendje të tmerrshme.
![](https://i0.wp.com/insajderi.org/wp-content/uploads/2024/07/0.jpg?resize=755%2C506&ssl=1)
![](https://i0.wp.com/insajderi.org/wp-content/uploads/2024/07/8.jpg?resize=323%2C493&ssl=1)
![](https://i0.wp.com/insajderi.org/wp-content/uploads/2024/07/9.jpg?resize=317%2C536&ssl=1)
Lidhur me gjendjen e hapësirës së Parkut të Biznesit kanë reaguar edhe nga opozita në Prizren.
Nga Lidhja Demokratike e Kosovës dega Prizren kanë akuzuar qeverisjen aktuale, saktësisht qeverisjen e Shaqir Totajt.
“Këto janë pamjet e Parkut të Biznesit, i premtuar nga Shaqir Totaj, se do të funksionalizohet qysh në muajt e parë të qeverisjes së tij. Por mjafton ta vizitoni dhe do të shihni nga afër se kjo pjesë e dedikuar për biznese është kthyer në deponi mbeturinash dhe gjendja e saj është tmerruese. Hapsirat për biznese janë kthyer në djerrina dhe depo mbeturinash! Kjo tregon qasjen e papëgjegjshme dhe injoruese të kësaj qeverie dhe qeverisje ndaj bizneseve të Prizrenit, dhe mungesën e ideve për të krijuar kushte më të mira për ta“, thuhet në reagimin e tyre.
Gazeta Insajderi ka provuar të kontaktojë me komunën e Prizrenit, por deri në publikimin e këtij teksti nuk kanë kthyer ndonjë përgjigje.
Insajderi.org