Policia në Prizren njoftoi për arrestimin e 73 personave, të kërkuar nga organet e drejtësisë, ndërsa aksioni do të vazhdojë, raporton “Gazeta e Prizrenit”.

Referuar njoftimit, Drejtoria Rajonale e policisë ne Prizren, në bazë të planit operativ realizimi i urdhëresave të Gjykatave Themelore, gjatë periudhës kohore  13-17 nëntor 2023 ka realizuar 73 urdhëresa të gjykatave kompetente për vepra të ndryshme penale.

Policia në Prizren, njoftoi se do të vazhdojë edhe në ditët në vijim me realizimin e urdhëresave ndaj personave që ende nuk i janë përgjigjur thirrjes së gjykatës.

Me ketë rast policia rajonale e Prizrenit i falënderon qytetaret për bashkëpunim me policinë, nëse kanë informacione për personat që janë të kërkuar nga organet e rendit, të njoftojnë menjëherë policinë, dhe stacionet më të afërt të policisë, apo përmes aplikacionit digjital “Lajmëro Policinë” ose për  mes numrit të telefonitë 192 dhe 02 244 355.