20-05-2024

Prizren: Arrestohet njëri nga të dyshuarit për plagosjen e 10 personave në tregun e kafshëve

Prokuroria Themelore e Prizrenit ka njoftuar që njëri prej tre të dyshuarve në shpërthimin e ndodhur në Prizren tashmë është arrestuar.

Sot në mëngjes, dhjetë persona kanë mbetur të lënduar pas një shpërthimi në tregun e kafshëve në Prizren.

“Prokuroria Themelore në Prizren, ju njofton se sot rreth orës 04:50 të mëngjesit ka ndodhur një shpërthim në Tregun e Kafshëve në Prizren. Nga ky shpërthim dhjetë persona kanë pësuar lëndime trupore, pesë prej tyre janë dërguar nê QKUK në Prishtinë për trajtim të mëtutjeshëm mjekësor, ndërsa pesë persona tjerë janë liruar në shtëpi pas trajtimit në Spitalin Rajonal të Prizrenit”, thuhet në njoftimin e Prokurorisë Themelore në Prizren.

“Në vendin e ngjarjes kanë dalë prokurori kujdestar dhe njësitë relevante policore për të hetuar rastin”.

“Lidhur me rastin, tre persona të dyshuar janë identifikuar, njëri prej tyre është arrestuar dhe gjendet nën masën e ndalimit, ndërsa dy të dyshuarit tjerë janë në kërkim”.

“Prokuroria dhe policia janë duke punuar intensivisht për kapjen e tyre”.

Asnjë koment

Comments are closed.