Deri sa atmosfera arrinte kulmin e saj në njërën nga sallat e dasmave në Prizren, hajnat thyejnë 6 vetura dhe nga aty marrin pajisje dhe gjësende me vlerë.

Në mesnatë, disa dasmorë të ftuar në një aheng familjar, janë detyruar të thërrasin Policinë për shkak se veturave të tyre iu ishin thyer xhamat dhe ishin kryer vjedhje.

Sipas disa dëshmitarëve, dyshohet se janë thyer 6 vetura, ku në disa nga to kishte edhe pajisje dhe gjësende me vlerë, raporton tvprizreni.

Grabitësit nuk kursyen edhe veturën e dhëndrrit duke marrë 5 euro nga aty.

Policia ka dalur në vendin e ngjarjes dhe është duke u marrë me rastin.