Gjykata Themelore në Prizren ka shpallur aktgjykim dënues ndaj Iran Badallit dhe Arben Gashit, duke i dënuar me dënim unik me nga 12 vjet burgim (secilin veç e veç), lidhur me akuzën për shpërthimin në Zhur, si pasojë e të cilit kishte vdekur polici S.Th.

Në këtë rast, Gashi dhe Badalli ngarkoheshin se kanë vendosur mjet eksplodues në shtëpinë e të akuzuarit Badalli në fshatin Zhur, me rastin e bastisjes nga Policia, mjeti kishte shpërthyer ndërsa kishte mbetur i vdekur polici, S.Th, ndërsa të dëmtuarit Artur Mrasori, Jetmir Hasanaj dhe Arsim Bytyqi, si dhe fëmija S.B., kanë pësuar lëndime të rënda trupore, raporton “Betimi për Drejtësi”.

Aktgjykimi ndaj dy të akuzuarve u shpall të martën nga gjykatësja Ajser Skenderi.

Sipas aktgjykimit, i akuzuari Badalli për veprën penale “Shkaktimi i rrezikut të përgjithshëm”, është dënuar me 11 vite burgim efektiv, ndërsa për veprën penale armëmbajtje pa leje u dënua me 2 vite me burgim efektiv. Ndaj tij, gjykata shqiptoi dënim unik në kohëzgjatje prej 12 viteve burgim.

Kurse, Gashi për veprën penale “Shkaktimi i rrezikut të përgjithshëm” është dënuar me 11 vite burgim efektiv, ndërsa për veprën penale armëmbajtje pa leje u dënua me 2 vite me burgim efektiv.

Sipas aktakuzës, dy të pandehurit Iran Badalli dhe Arben Gashi, në fillim të muajit janar 2020, në Prizren janë furnizuar me mjet eksplodues nga i akuzuari Valbon Çollaku, e pastaj të njëjtin e kanë fshehur në krevatin e fëmijëve ne dhomën e katit të dytë të shtëpisë të të akuzuarit Iran Badalli në fshatin Zhur, Komuna e Prizrenit dhe pas një kontrolli të autorizuar të kësaj shtëpie nga Njësiti për Hetimin e Trafikimit me Narkotikë, më 28 janar 2020, rreth orës 20:00, në kontakt me këtë mjet, i njëjti ka eksploduar, ku ka gjetur vdekjen zyrtari policor S.Th, kurse policët tjerë të Njësitit gjegjës – të dëmtuarit Artur Mrasori, Jetmir Hasanaj dhe Arsim Byrtyqi si dhe fëmija S.B., kanë pësuar lëndime të rënda trupore.

Me këto veprime, sipas Prokurorisë, të akuzuarit kanë kryer në bashkëkryerje veprën penale “Shkaktimi i rrezikut të përgjithshëm” nga neni 356, paragrafi 5, 4 dhe 1 lidhur me nenin 31 të Kodit Penal të Republikës së Kosovës.

Ndërsa, në dispozitivit II të aktakuzës, thuhet se në vend dhe kohë të njëjtë të përshkruar përafërsisht si në pikën I të dispozitivit të aktakuzës, në kundërshtim me ligjin e zbatueshëm mbi armët, përveç eksplozivit të lartcekur të shpërthyer, kanë pasur të fshehur edhe eksplozivin e mbetur TNT me peshë prej 809.1 gr dhe një detonator mekanik, në të cilin ishte i vendosur një fitil ngadalndezës në gjatësi 63 cm.

Me këtë, të akuzuarit në bashkëkryerje akuzoheshin se kanë kryer veprën penale “Mbajtja në pronësi, kontroll ose posedim të paautorizuar të armëve” nga neni 366, paragrafi 1 lidhur me nenin 31 të Kodit Penal. /BetimipërDrejtësi 

 Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.

SHPALLJE:

SHITET SHTËPIA në Prizren

Shtëpia ndodhet në rrugën “Faredin Hoti” (ish- rruga e Red Bullit)

Ka dy kate ( e mobiluar ) me orientim nga lindja.  Sipërfaqja 2 ari.

Kati I ka kuzhinë e sallon – 1 dhomë, banjë dhe këndin nënshkallë.

Kati II ka 3 dhoma, banjë, dy ballkone.

Ka dy hyrje, mund të ndahet në kate të veçanta, si dy banesa.

Ka shkallë normale për tavan, që ka dritare dhe ballkon.

Shtëpia ka 3 ballkone dhe një terasë, të gjitha të rregulluara me qeramikë.

Ka garazh dhe kuzhinë verore. Ka dokumente të rregullta.

Çmimi sipas marrëveshjes. Tel: +383 44 230 330