Prokurori i Shtetit ka njoftuar se gjatë 24 orëve të fundit, me urdhër të prokurorive themelore, janë ndaluar gjithsej 15 persona të dyshuar për vepra të ndryshme penale, si dhe janë parashtruar dy kërkesa për caktimin e masës së paraburgimit.

Sipas njoftimit, Prokuroria Themelore në Prizren ka ndaluar një person dhe ka paraqitur një kërkesë për paraburgim, ndërsa Prokuroria e Pejës ka ndaluar gjashtë persona për 48 orë.

Në Gjilan janë ndaluar dy persona, në Gjakovë pesë persona, ndërsa në Mitrovicë një person tjetër është ndaluar dhe është paraqitur një kërkesë për paraburgim.

Prokurori i Shtetit thekson se institucionet e drejtësisë po vazhdojnë ndërmarrjen e veprimeve ligjore në bashkëpunim me Policinë e Kosovës për trajtimin e rasteve të ndryshme penale.