Rasti i mjekut nga Prizreni, deputetja e LDK-së: Mjaftë më!
Deputetja e Lidhjes Demokratike të Kosovës, Besa Gaxherri ka reaguar pas publikimit të lajmit të një mjeku nga Prizreni i cili përdori një gjuhë të ulët ndaj pacientes e cila vuante nga ‘zorra qorre’.
Sipas saj, tipat sikurse kirurgu Rrahim Ymeri nuk e meritojnë të shërbejnë në shëndetësinë kosovare.
“Ky duhet të shkojë në shtëpi. Të mos liqensohet as për shërbime private. Ky dhe shumë si ky nuk e meritojnë të hynë në institucionet shëndetësore. Mjaft më”, ka thënë ajo.
Ndryshe, Indeksonline raportoi mbrëmë për gjuhën e rëndë të mjekut nga Spitali i Prizrenit, ndaj një paciente.
Kirurgu Ymeri në një audio dëgjohet duke fyer pacienten e cila po rënkonte nga dhimbjet, derisa në një moment e quan edhe majmun.
Ndaj këtij rasti ka reaguar Shërbimi Spitalor i Klinikes Universitare të Kosovës (SHSKUK), duke kërkuar sanksionimin e mjekut që fyeu pacienten. /Indeksonline/
