Sekuestrohen armë dhe gjësende të palejuara në Suharekë
Sektori i hetimeve në Stacionin Policor në Suharekë, pas pranimit të një informacioni se në tregun e gjelbër janë duke u shitur pajisje dhe gjësende të palejuara, gjatë një aktiviteti të realizuar së bashku me inspektorët komunalë dhe me njoftimin e prokurorit kujdestar, ka gjetur dhe ka sekuestruar disa armë të ndryshme.
Policia njofton se ka sekuestruar si mëposhtë:
5 shufra të metalit,
6 elektroshokë,
14 pako municion të pushkëve ajrore,
1 dylbi (të armës së zjarrit),
47 thika
16 boksa të metalit
6 pajisje për mirëmbajtje të armëve,
4 këllëf për shufër,
27 këllëf të armës,
7 këllëf për municion të pushkës së gjuetisë.
“I dyshuari F. H. i lindur në vitin 1983, i cili ishte në posedim të këtyre pajisjeve, është proceduar në mënyrë të rregullt sipas urdhrit të prokurorit dhe me rastin po merren hetimet e Stacionit Policor në Suharekë”, thuhet në raportin e PK-së.