La Liga ka njoftuar se është shtyrë ndeshja mes Mallorcas dhe Cadizit, e planifikuar të zhvillohet në këtë fundjavë.

Kërkesa e klubit ishullor ka arritur të shtunën për shkak të ndeshjes Kosovë – Izrael, e cila do të luhet më 12 nëntor, shkruan “Gazeta Express”.

Për këtë ndeshje, “Dardanët” e kanë ftuar Vedat Muriqin, prandaj edhe Mallorca kërkoi që loja të shtyhej pasi nuk do të mundë të llogariste në “Piratin” e saj.

Për të mos u penalizuar Mallorca, Federata Spanjolle e mori këtë vendim.Kosova do ta zhvillojë me Izraelin ndeshjen e shtyrë muajin e kaluar shkaku i luftës në të cilën u përfshinë izraelitët.

Tutje, Verdhekaltrit këtë muaj do të luajnë edhe me Zvicrën më 18 nëntor dhe me Bjellorusinë më 21 nëntor.