Sonte nga ora 21:00, emocionet do të arrijnë kulmin me finalen e edicionit të tretë të “Big Brother VIP Kosova” 3.

Në një intervistë për emisionin “Dita n’Klan” në Klan Kosova FM, Milot Hasimja ndau detaje të veçanta për këtë natë të shumëpritur, njofton Klankosova.tv.

Ai premtoi një mbrëmje plot surpriza për finalistët që kanë kaluar javë të gjata në shtëpinë më të famshme në Kosovë.

“Edhe shikuesit nga shtëpia do të përjetojnë momente që do t’i lënë pa fjalë”,  tha Hasimja, duke theksuar se spektakli do të jetë një përvojë unike si për publikun ashtu edhe për protagonistët.

E gjithë vëmendja është tek shpallja e fituesit të këtij edicioni, ndërsa pritet që spektakli të thyejë rekorde audience dhe të mbetet në kujtesën e publikut si një prej finaleve më madhështore të BBVK-së.

Për më shumë detaje, ndiqeni videon e mëposhtme: